نظام المزهريات الغذائي للإناث

سلام عليكم صار اللي يومين من اشتريت النظام ومتفائله ان شاء الله بنزل عليه لانه مريح والاكل نفس اللي احب اكله والكميات مشبعه وخصوصا وجبه الغذا اشبع قبل ما يخلص الغذا... كنت مشتركه مع دكتور من ٧ شهور الكميات الاكل قليله وعلى ماتجي الوجبه الثانيه اموت من الجوع هو صدق نزل وزني وياهم بس احسسه تعذيب مافي كميات تشبع

منضبطه بالاكل بدون تخبيص ابداً والخطوات ١٠ الالف يومياً مع ذلك الوزن ثابت شنو السبب ؟

ايوه انامعك مزهريات امشي ١٢ الف خطوة يوميًا واخذت مزهريات طولي مصخره وجسمي عنيد ونزل من ١٥-١-٢٠٢١والحين ١٠-٥ نحفت ٧ كيلو من ٩٠ إلى ٨٣ الحمدلله بعد ٥ سنين مو راضي ينزل وزني الف شكر لك الله يسعدك ويوفقك وما اكتفي بالمزهريات صدق اطبق كل نصائحك. وبقي مشواري طويل بس حبيت اشكرك محد كسر عناد جسمي غيرك..

كنت اتبع اللوكارب و مصره عليه لاني ما ابي اعترف اني مزهريه و كل كم من يوم امشي ٨ الاف خطوة. يعتبر وزني في اقصى مجال الوزن المثالي و اطلع عنه بزيادة كيلو. فاللو كارب لكون نشاطي ما هو مماثل له ما نحفني كثير قد يمكن نص كيلو خصوصا لعدم التزامي بالحركة. مع المزهريات خسرت الى الان ٣ كيلو في غضون ٣ اشهر و هي نتيجة رائعك خصوصا ان التزامي بكمية الكارب في الوجبة الثانية تزيد احيانا و بمقابلها اقلل من السناك.

حلو الواحد يعترف بمقدار حركته اللي تضع فيه حالته و يغير اكله على اساسها. بالسفر لان حرحتي كثيره اعتمد اللو كارب تقريبا و يصير النحف خيالي.

من ٨ شهور بديت بالنظام والى الان نازله 30 كيلو ولله الحمد والشكل خيااااال 👌🏻👌🏻
ملتزمه بكل شي مكتوب بالنظام والخطوات وجداً جداً جداً مرتاحه الحمدلله من دون حرمان ابداً صدق يعطيك العافية وجعلها الله في ميزان حسناتك🤍🤍
ولسا الاستمرار والحمااااااس موجود الحمدلله الحمدلله💪🏻