شنو أحسن شي أفتح ريجي فيه؟
وعقب شكثر أقدر آكل؟؟
أغلبكم تفكرون بشي تبون تشربونة أو تاكلونة لما تستيقظون من النوم … صح؟. لا تچذبون، قولوا صح
الحين بعطيكم دليل تفصيلي ولكن بسيط لروتين الصباح المثالي
- اساسي: شرب على الأقل كوب ماي (٢٥٠ مل) ويفضل على الأقل كوبين (٥٠٠ مل) عند الإستيقاض
- غير أساسي (لا تطبق هذه النصيحة إذا تاخذ أدوية لضغط الدم): ضيف ربع ملعقة صغيرة من ملح الهيمالايا أو أي ملح ملون وطبيعي مع الماي اللي بتشربة… ليش؟
(١) لتجهيز جهازك الهضمي عن طريق تحسين حموضة المعدة لتسهيل الهضم وامتصاص الاكل و(٢) انتعاش الغدة الكظرية
- أساسي الساعة جم خلصت آخر وجبة أكلتها الباحة؟ احسب على الأقل ١٢ ساعة بعدين اكل فطورك - واذا حرقك بطيء انطر ١٤ ساعة - وإذا مو متعود تنطر هالكثر أجل فطورك ٩٠ دقيقة أو ساعة ونص - ليش؟ لتطبيع مستوى السكر في الدم
- متى تشرب قهوتك؟ على حسب الإضافات: ما انصح تشرب قهوة متروسة سكر قبل الفطور الا إذا بخاطرك تدمر صحتك على االمدى البعيد بس هذا جسمك وانت حر فيه… اشرب قهوتك ساعة بعد الماي والملح إذا قهوتك سادة ومن غير اضافات وضروري تشرب كوب ماي بعد شرب القهوة - واذا قهوتك فيها اضافات بسيطة (شوية حليب وشوية سكر) اشربها مع الفطور أو لما تتجاوز الـ ١٢ ساعة صيام (الوضع المثالي إذا القهوة فيها اضافات: مع الفطور)
- متى الفطور؟ ارجع لرقم ٣ وتفطر على الاقل ١٢ ساعة وبالكثير ١٦ ساعة بعد آخر شي اكلته البارحة… بين ١٢-١٦ ساعة على حسب الجوع وما انصح للاناث يتجاوزون ١٤ ساعة والذكور ١٦ ساعة الا اذا حاليا ملتزمين بنظام غذائي ماشي معاهم ويمح لهم بهالشي
-
اكل فطور غني بالبروتين والدهون الصحية ومعتدل الكربوهيدرات - ضروري يشبعك لعلى الأقل ٤ ساعات وقسمة على دفعات إذا ثقيل عليك
ليش؟ لتحسين حساسية الإنسولين والأيض [ يعني جسمك بيسفيد من الكربوهيدرات ويعزز من استهلاك السعرات الحرارية للطاقة بالشكل المثالي] + كبت الشهية طووووول اليوم