ليش أغلبية أجسام العرب ما تتحمل الكاربوهيدرات أو وايد حساسة منها
لان ما عودنا أجسامنا على عملية اسمها NEAT او Non Exercise Activity Thermogenisis
بالعربي المقطع
نشاط ماله شغل بالرياضه لحرق السعرات الحراريه
مثل شنو ؟
نفس التنقل بإستخدام جزء من الجسم يسمى الساقين ، ركب الدراجه الهوائيه ، الصعود والنزول من الدرج ، تنظيف المنزل ، اللعب مع الاطفال ، العمل اليدوي ، التدريب الشخصي ، الاستعباط الجسدي نفس الرقص او الغشمره البايخه ، الطبخ ، صيد السمك او صيد الاناث الجميلات بالمجمعات لا لا والله أتغشمر
فهمتوا يا بشر ؟
عرفتوا ليش لما نسافر نضعف ؟
لان نتحرك وايد
شلون صايره حياتنا الحين ؟
بيت ، اكل ، سياره ، دوام بالمكتب ، اكل اكل اكل ، سياره ، بيت ، اكل ، نوم، اكل ، سياره ، دوانيه ، اكل اكل ، بيت ، اكل ، نوم
وبالويكأند؟
بيت ، اكل ، سياره ، قهوه ، اكل ، سياره ، شاليه ، اكل اكل اكل ، غيبوبه
ونستغرب ليش نسمن
الخلاصه
خل أصيغها بطريقه ثانيه او اغريكم أكثر:
تبون تاكلون كاربوهايدرات اكثر وانتوا مرتاحين ؟
زيدوا نشاطكم
صيروا أوادم بدال لا تصيرون أثاث او أصنام
قوموا اخذوا الريموت بدال لا تنادون الشغاله من السرداب عشان تييبه لكم
لعبوا عيالكم بدال لا تقطونهم على الشغاله
صعدوا و نزلوا الدرج بدال لا تنطرون المصعد
صفطوا بعيد بدال لا تصفطون قريب
تيمعوا على نشاط بدال قعده واكل