قولونك ماراح يراعيك إذا ما تراعيه
الجسم ماراح يستفيد من اكلكم اذا القولون تعبان
الي يعانون من مشاكل بالقولون : ديروا بالكم لان وضعكم مو غشمره !
شلون تديرون بالكم ؟
- ابتعدوا عن الأصناف الي تهيج القولون نفس بعض منتجات القمح والغلوتين ، الحليب وبعض منتجات الألبان ، البقوليات وبعض الخضروات النيه ، بعض البهارات نفس الفلفل الأسود والفلفل بشكل عام والصلصات الحارة
- بالاشارة الى رقم واحد : جربوا ! الي يمشي معاكم احتمال كبير ما يمشي مع غيركم
- هدوا أعصابكم خاصة اذا فيكم قولون عصبي
- كثروا ماي ، والي يعاني من امساك يكثر الياف بالاضافه الى كثرة الماي
- ابتعدوا عن الوجبات السريعه والأصناف المقليه
- ركزوا على الأصناف الطبيعيه الي ما فيها وايد مكونات
- انا مو ضد محليات الرجيم بس في احتمال كبير تهيج القولون
- المشروبات الغازيه [العاديه والدايت] احتمال تهيج القولون
- شربوا هالخلطه : زنجبيل ، كمون وليمون مع بعض ١-٣ مرات باليوم قيل الاكل
- جربوا عجوة المدينه مع نص لتر ماي الصبح على الريج لان واااااااااايد نفعت معاي الحمدلله