واحد باليوم ما يضر
بعض الاخصائيين يبالغون بأضرار المنتجات والمكونات السيئة ، يحسسوني بيطلعلي خشم ثاني او بموت بعد شوي اذا دش جسمي
مكونات القهوة الي بالصورة فعلا سيئة ولكن ما تضركم اذا على الاقل ٧٠٪ من نمط حياتكم الغذائية والرياضية طبيعيه وصحيه
القهوة الي بالصورة تحتوي على ٨٩ سعره حرارية ، ٢.٤ غرام دهون ، ١١ غرام سكر واقل من ١ غرام بروتين
الحين الي يحبه شسوي ؟ يبتعد عنه للأبد ؟ لا ، يحاول يخفف منه
متعود تشرب ٤ ؟ اشرب ٢
تحتاجه الصبح عشان تقعد راسك ؟ واحد الصبح ماراح يضرك
مستعد تستغني عن الاصناف الثانيه الي مليانه سكر عشانه ؟ عليك بالعافيه اذا كل شي محسوب
السر بالتوازن وليس بالانقطاع
الخلاصه : للاسف تعودنا على الكثرة والافراط ، وجدا صعب علينا نكسر هذه العادة القديمة
واذا حبينا شي نهب فيه ونكثر منه لما يضرنا
صيروا خوش اوادم وعيشوا حياتكم بإعتدال