ضعفت بس ما تدري وين عضلات بطنك؟
منو على باله لما يفتك من كرشته بشوف عضلات بطنه ؟
عضلات البطن " عضلات "
يعني عشان تشوفونهم لازم تكبرونهم نفس العضلات الثانيه ... الا اذا انتوا من المحظوظين الي طلعوا من بطون امهاتهم مجسمين
ولكن الي عنده كرش او دهون فوق عضلات البطن ماراح يشوفهم
نفس الي عنده دهون فوق أي عضله بجسمه وما يقدر يشوف شكلها او قصتها
الضعيف الي ما عنده عضلات البطن شسوي ؟ لازم يكبر كل عضلات جسمه من ضمنهم بطنه
ليش ؟ لان كل التمارين تحتاج مساعدة عضلات البطن لاتقانهم بدون لا تكسرون ظهوركم
شصير لما عضلات البطن تجاهد للعضلات الثانيه ؟ تكبر لمقاومة الكرف الجسدي اثناء التمرين
الخلاصه : الي في بداية حياته الرياضيه او ما عنده عضلات البطن يمرن جسمه كله بالاضافه الى تمارين البطن مع اوزان
مع أوزان ؟ العضله ماراح تكبر للحجم المثالي بدون وزن يقاومها
شكثر تمرنونها ؟ يوم و ترك كحد اقصى
أنا أنصح مرتين بالاسبوع اذا كرفتوها صح او ٣ مرات