شلون آخذ فترة راحة من الريجيم؟
حساباتي ليست للرجيم القاسي والحرمان ، و هدفي اساعدكم على الموازنه بين الحياة الطبيعيه والحياة الصحيه
الانخفاظ بالسعرات الحراريه لفتره طويله تبطئ قدرة الجسم على استهلاك السعرات الحرارية للطاقه ، تزيد الجوع ، تلعب بالمزاج بشكل جدا سلبي ، تسبب اضطرابات عاطفيه نفس التشوش والارتباك وتقلل من افراز الهرمونات النافعه
الي تعب من الرجيم وماسك ارضه انصحه ياخذ فترة راحه بس ما يفتحها بحري ويطبق هالنقاط المهمه :
زيدوا كمية الاكل
اكلوا حتى الشبع فقط ، يعني مو طفوح
زيدوا كمية الاكل بالتدريج لما الجوع يتسكر
الكميه القليله والحرمان يزيدون الشهيه
احتمال الوزن يزيد
شي طبيعي لما تزيدون كمية الاكل الوزن راح يصعد شوي
تبون ترقعونها او تخففون الزياده ؟ اقروا التقطه التاليه
لانكم تاكلون اكثر من قبل [فترة الرجيم] راح تكون فيكم طاقه لممارسة رياضتكم اكثر ولفتره اطول
تنويه : كثرة الرياضه ما ترقع كثرة الاكل للجماعه الي يبون يضعفون وياكلون كميه وايد بنفس الوقت
ولكن هالطريقه ممتازه للجماعه الي يبون ياكلون ويحافظون
نوعوا بالاصناف وامتنعوا عن الحرمان
الحليب كان ممنوع بالرجيم ؟ طز ، شربوا حليب
فترة راحه من الرجيم مو معناته اختياراتكم كلها مو صحيه
والله العظيم الاكل الصحي لذيذ اذا تعرفون له
زيدوا مكونات لذيذه وصحيه على اكلكم عشان تستانسون لما تاكلون
صلصات ، بهارات ، دهون صحيه والخ
[دعايه غير مباشره]
طلعوا واستانسوا
الرجيم يحكركم لان مو كل المطاعم تقدم طلباتكم الرجيميه القاسيه
اذا كثرتوا اكل طبقوا طريقة الصيام المتقطع الي بذكره الحين
الصيام المتقطع
صيام ١٦-٢٠ ساعه بعد الوجبه الدسمه ... بس ماي ، چاي ساده وقهوه ساده وفتره الصيام تشمل النوم
بعدها رجعوا الى نمط حياتكم الطبيعي
واذا تبون تاكلون شي دسم مره ثانيه نطروا على الاقل يومين
راقبوا اوزانكم يوميا الصبح على الريج
عشان تخافون شوي
لا تطوفون ٥ كيلو خلال فترة الراحه
خلكم مرنين بحياتكم
مو لازم تاكلون حزه معينه
اكلوا لما تجوعون و وقفوا اكل لما تشبعون
شربوا وايد ماي
عشان العقل يميز بين الجوع والعطش ولطرد الماي المخزون من الوجبات الدسمه
الخلاصه : شعور الالتزام برجيم كريه ويخليكم تفكرون بالاكل ٢٤ ساعه
شكثر فترة الراحه ؟ كيفكم بس اهم شي لا تزيدون عن ٥ كيلو
الراحه من الرجيم مهمه ؟ زيادة كمية الاكل بعد فترة طويله من التزامكم بنظام قليل السعرات تعيد استشفاء الوضائف الايضيه