العقد والحدود الرجيمية
من التحلطم اللي اشوفه بشكل يومي :
لما أسهل عليكم طرق للالتزام بنمط حياة صحي أسمع جملة "كلامك غلط" او "معلوماتك غلط".
أي معلومة أتكلم عنها ماراح تمشي على ٤٠٪ منكم وهالشي طبيعي اذا ٤٠٪ ما استفدتوا و٦٠٪ استفادوا
شمعناته ؟
معناته ان المعلومة غلط ؟
لا ، معناته انها ما مشت على بعض الناس
معلومة قد تصدم البعض - الحياة ما تدور حولكم لان الكرة الارضيه فيها اكثر من ٧ مليار أدمي مع كل الدراسات والبحوث والتفلسف اللي نقراها بشكل يومي نقدر نستنتج ان :
- كل الطرق تؤدي الى روما
- نمط حياة صحي يعتمد على الشخص نفسه [النظام المثالي يعتمد على حياة الملتزم]
- عالم التغذيه والرياضه مرن اكثر مما تصورنا
- معنى كلمة غلط : ما يمشي معاي
- معنى كلمة صح : يمشي معاي والمشكله الكبيره : الناس يصدقون اللي يبون يصدقونه ومو اللي يحتاجون يصدقونه شالفرق ؟ تبون تصدقون الخرافات اللي توعدكم نتائخ خياليه خلال اسبوع بس ما تبون تصدقون الالتزام والجهد والتعب اللي تحتاجون تمارسونه لتحلون مشاكلكم الصحيه
الخلاصه : خلكم متفتحين وتقبلوا الطرق الثانيه حتى لو ما تناسبكم