الاكل أثناء السفر: محد ريجيم

صاركلم سنة تضبطون نمط حياتكم للافضل والحمدلله وصلتوا للهدف اللي تبونه او قربتوا

بس فجأه ... بتسافرون

طعم السفر والرجيم مثل السؤال بدون الجواب

أهديلكم خطه لتناول الاكل على راحتكم بالسفر [واحتمال تنحفون]

1. اكلوا وجبتين باليوم : فطور وغداء متأخر او عشاء مبكر
2. الفترة بين الوجبه الاولى والثانيه : على الاقل ٤ ساعات [يفضل ٦ ساعات]
3. الفتره بين الوجبه الثانيه اليوم والوجبه الاولى بكرا : على الاقل ١٢ ساعه
4. كمية الاكل بالوجبتين : مفتوحه [طولوا بالكم]
5. نوعية الاكل بالوجبتين : ثقلوا بالوجبه الاولى ولا تنسون تحلون . بالوجبة الثانيه حاولوا تاكلون اصناف صحيه وشاركوا بأكلكم عشان ما تاكلون كمية مهوله [اصلا اللي يثقل بالوجبه الاولى ماراح يقدر يكثر بالوجبة الثانيه]
6. لا تاكلون ولا شي بين الوجبتين : كثروا ماي ، شاي احمر [اسود] ، ابيض ، اخضر ، او اي نوع قهوه ساده بينهم
   هذه اهم نقطه بهالموضوع كله
7. ناموا على الاقل ٤ ساعات بعد ثاني وجبه
   بعد ٤ ساعات المعده فاضيه
8. اللي يبي ياكل حلو بقهوه او مكان معين خل ياكل اول وجبه هناك عشان يحلي على راحته بدال لا يحلي بين الوجبتين
9. سفر = نشاط و حركه
   استفيدوا من كمية الاكل بالوجبات
10. اهم نقطة رقم ٦
11. ثاني اهم نقطه رقم ٩
12. اللي يثقل وايد بالوجبه الاولى احتمال ما ياكل شي بالثانيه

و شنو القاعده النينجاوية الذهبيه ؟ لا تاكلون اذا مو يواعه