شالفرق بين الاكل العضوي والاكل العادي ؟
البيض
البيض العضوي لا يحتوي على بقايا المضادات الحيوية وغني بالاوميقا ٣ ، بس ماكو فرق من ناحية القيمه الغذائيه
أنا افضل البيض العضوي
منتجات الالبان [حليب ، زبادي ، اجبان]
الالبان العضويه لا تحتوي على الهرمونات [و مواد اخرى] اللي يعطونها البقر العادية
وهالهرمونات تدش بالحليب اللي تشربونه
أنا أفضل النوع العضوي
الخضروات والفواكه
ما تفرق بين العضوي والعادي اذا الطبقه الخارجيه سميكه جدا او لا تؤكل [يعني لازم تقشرونها عشان تاكلونها]
اللي طبقتهم الخارجيه رقيقه قابله للتلف والسموم
اللي ما يقدر يشتري خضروات عضوية يغسل خضرته عدل قبل لا ياكلها
أنا أفضل العادي حتى لو الطبقه الخارجية ضعيفه لان فرق السعر شاسع
اللحوم الحمرا
العضوي لا يحتوي على هرمونات ومضادات حيويه ، ونسبة الدهون الصحيه [اوميقا ٣] اعلى والدهون الضارة [اوميقا ٦] أقل
أنا افضل العادي لان اكل لحم احمر مرتين بالاسبوع
افضل العضوي اذا اكله يوميا
الدواجن
الدواجن العضوية خاليه من المضادات الحيوية وهرمون النمو [Growth Hormone]
طعم الدجاج العضوي خياااالي ولكن مو متوفر و واصلا وايد غالي الا اذا عندكم مزرعه عشان اتحكمون بتغذية وصحة دواجنكم
المأكولات البحرية
يفرق اذا نوع السمك دهني نفس السالمون [السردين والميد مافيهم شي]
الاسماك الدهنية العضويه [او اللي غير مزروعة] تحتوي على سعرات ودهون اقل
الاسماك الدهنيه المزروعه تحتوي على نسبة دهون ضارة مهولة [اوميقا ٦]
باجي الاسماك اللي فيها نسبة دهون قليلة [تونا ، ربيان ، هامور وباجي الاسماك البيضه] ما تفرق اذا عضوية او عاديه
انا افضل العادي لان ما آكل اسماك دهنيه الا مرتين بالاسبوع
البذور ، البقوليات والحبيبات
ماكو فرق بين العضوي والعادي
لا تخسرون فلوسكم اذا العادي متوفر