بدائل للوجبات الرئيسية سريعة وصحية
غداكم دسم ؟
الوالده نست تحضر وجبتكم الرئيسيه الصحيه ؟
متوهقين وما تبون تخربون رجيمكم ؟
تبون وجبه لا تتجاوز ٥٠٠ سعره حراريه ؟
تبون شي يشبع وأسرع سريع ؟
نهاية الشهر والبوك ناشف ؟
نينجا بس خلاص غثيتنا بالأسئله ؟
نينجا دش بالموضوع ؟
آخر سؤالين مو أسئله وحتى هذا مو سؤال ؟
شفيني علقت ؟
والله بس خلاص
فرع النخي والباجلا عبارة عن كنز مأكولات شعبيه صحيه .... مو ١٠٠٪ صحيه بس أقدر أقول ٧٠٪ صحيه وانا مرتاح
وأهم شي تصدون عن المطعم الهندي اللي يمه
المهم ، أهديلكم سعرات الحراريه تقديريه للاصناف اللي متوفره عند فرع النخي والباجلا :
علبة النخي (حمص) والباجلا (فول) : مو اكثر من ٣٠٠ سعره حراريه - يحتوون على كمية عاليه من البروتين (٢٠-١٥ غرام) وألياف (١٠-١٧ غرام)
أنصح تاكلونهم مو قوطي روب (زبادي) قليل الدسم
الهريس (بدون دارسين) والجريش (بدون بصل مقلي) : مو اكثر من ٥٠٠ سعره حراريه - يحتوون على كمية عاليه من البروتين (١٥-١٣ غرام) وألياف (١٠-٨ غرام)
أنصح تاكلونهم بروحهم
الآش : مو اكثر من ٦٠٠ حراريه - يحتوي على كمية عالية من البروتين (١٥-٢٠ غرام) وألياف (١٠-١٥ غرام)
أنصح تاكلونه بروحه
شوربة عدس : مو اكثر من ٢٥٠ سعره حراريه
مع غداء او عشاء قليل الكاربوهايدرات