٣ أصناف يمتنون وانتو ما تدرون
٣ دراسات اكتشفوا الاصناف الي تساهم في زياده اوزانكم و هدم صحتكم
الدراسات مختلفه و مالهم ببعض
الدراسات مختلفه و مالهم ببعض
الـ ٥ الاوائل مختلفين بس كل لسته فيها نفس ال٣ اصناف
- الخبز (كل انواعه)
- العصير الطبيعي
- البطاط
والاصناف الثانيه نفس الكاكاو كانت موجوده في بعض الدراسات بس مو كلهم
التحليل
الخبز
احنا مدمنين خبز والدراسات اثبتت ان العالم بكبره يشاركنا بهالادمان
خلكم على @healthysnack عشان تقلبون ادمانكم الى علاج
العصير
لازم نشرب شي حالي لما ناكل شي مالح و للاسف للحين اغلبية الناس عبالهم العصير الطبيعي صحي.
الصراحه زهقت وانا اقنعكم.
كيفكم شربوا عصير لما تغرقون فيه.
البطاط
رفيق الملل
هذا الي تاكلونه لما تبون تكسرون طعم الحلو من الكيك او الكاكاو.
هذا الدسم بعد الدسم.
هذا الاكل بعد الاكل.
هذا الي تجابلونه لما تطنزون على أحلام في Arab Idol.
هذا الي تاكلونه اذا مو يواعه بس من الملل تبون تاكلون.
هذا سبب الكسل والرباده.
لما تاكلون بطاط ابيكم اتخيلون واحد متين قاعد على غنفه ياكل جيس بطاط كامل. هذا انتوا يوم الجمعه بالليل.
الخلاصه
ماراح ازف
نضعف جيل و نشوف الجيل الي بعده اسوأ
والجيل الي وراكم فعلا أسوأ منكم (جيل الiPad)
هذا جيل عيالكم الي لازم تعلمونهم و تثقفونهم عشان ما يطلعون عليكم.
هذا الجيل الي راح يدش بأحصائيات السمنه بعد ١٠ سنين
في مثل أرف يقول YOU LIVE ONLY ONCE
هذا مثل الكسلان
في مثل أصح يقول YOU DIE ONLY ONCE BUT YOU LIVE EVERYDAY