كورن فلكس وحليب للفطور : وجبة الفشل
أسرع وأبسط فطور : كورن فليكس وحليب
المشكله :
- غني بالعناصر اللي ما تشبع [ كثرة كاربوهايدرات ]
- غني بالعناصر التي تعيق الجسم على حرق الدهون للطاقه [ ما أسمع ؟ اي صح .. كثرة الكاربوهايدرات ]
- غني بالعناصر التي تزيد الرغبه لتناول الخرابيط [ ألو ؟ شنو ؟ ترا يقطع .. كثرة شنو ؟ ]
- قليل بالعناصر التي تشبع لفتره طويله [ البروتينات والدهون الصحيه ]
- قليل بالعناصر اللي تشجع الجسم على حرق الدهون للطاقه ولفتره طويله [ البروتينات والدهون الصحيه ]
-----
شنو العناصر السيئه ؟
- كثرة السكريات
- كثرة الكاربوهايدرات
- (لاحظوا كلمة "كثره" لان اي شي بإعتدال ممتاز)
شنو العناصر الزينه ؟
نسبه عاليه من البروتين
نسبة عاليه من الالياف
نسبة معتدله من الدهون الصحيه
نسبة عاليه من الالياف
نسبة معتدله من الدهون الصحيه
-----
واذا ما تبون تسمعون كلامي وتاكلون هالوجبه الصبح ؟
دوروا نوع فيه نسبة ألياف لا تقل عن ٥ غرام ونسبة سكريات اقل من ١٠ غرام
وباجي العناصر نفس البروتين والدهون الصحيه ؟
بدال الحليب تقدرون تخلطونه مع كوب صغير روب يوناني (١٧-٢٠ غرام بروتين) و ١٠-٢٠ حبة مكسرات للدهون الصحيه
كوب حليب يحتوي على ٩ غرام بروتين بالكثير وهالكميه ما تأدي الغرض لان تحتاحون بين ال٢٠-٣٠ غرام
وباجي العناصر نفس البروتين والدهون الصحيه ؟
بدال الحليب تقدرون تخلطونه مع كوب صغير روب يوناني (١٧-٢٠ غرام بروتين) و ١٠-٢٠ حبة مكسرات للدهون الصحيه
كوب حليب يحتوي على ٩ غرام بروتين بالكثير وهالكميه ما تأدي الغرض لان تحتاحون بين ال٢٠-٣٠ غرام
------
انا شنصح ؟
أهديلكم اختيارات سريعه وصحيه
اول شي اختاروا نوع الخبز
ثاني شي اختاروا البروتين والدهون
- ٢ توست من القمح الكامل (بين ال١٣٠-١٦٠ سعره حراريه)
- خبزة بيتا (لبنانيه المدوره) من القمح الكامل (بين ال١٤٠-٢٠٠ سعره حراريه)
- نص خبزه ايرانيه (١٥٠ سعره حراريه)
ثاني شي اختاروا البروتين والدهون
- ٢-٤ شرائح ديك رومي وشريحه جبنه طبيعيه كاملة الدسم مع خس وطماط (١٦٠ سعره حراريه بالكثير)
- شريحتين جبن كامل الدسم (٢٠٠ سعره حراريه بالكثير)
- شريحتين كبار حلوم قليل او كامل الدسم مع طماط وجرجير (٢٠٠ سعره حراريه بالكثير)
- ملعقتين كبار جبن فرنسي او يوناني (أبيض) قليل او كامل الدسم مع خضرتكم المفضله (٢٠٠ سعره حراريه بالكثير)
- بيضتين مع الصفار مقليين بملعقه صغيره زيت زيتون مع ملح وفلفل (١٥٠ سعره حراريه بالكثير)