أساسيات الفترة الصباحية
1. شربوا ماي اول ما تقعدون من النوم لطرد السموم من اليوم الي قبله، تعويض السوائل الي خسرتوها اثناء النوم و استعداد الجهاز الهضمي للاكل
الكميه للنساء: على الاقل ربع لتر
الكميه للرجال: على الاقل نص لتر
2. تريقوا لما اتيوعون
الي مو يوعان لا يتريق و ينطر اليوع
بس مو قالوا الريوق المبكر افضل لتنشيط الايض؟
قالوا بس الدراسه مو تجريبيه (Experimental Study)
نوعية الدراسه اسمها Correlation Study وان شاء الله بشرح هالشي بالموضوع الي بعد هذا
المهم
نوعية الوجبه اهم من وقت الوجبه عند تناول الريوق
3. الي يحب يشرب قهوه قبل الريوق يشرب نص لتر ماي قبل و بعد القهوه
سمعتوا؟ اول شي ماي بعدين قهوه
القهوه الساده (بدون سكر و حليب) اصح طريقه لتنشيط عملية حرق السعرات الحراريه للطاقه
بالاضافه، القهوه تخلي الجسم يفضل الاحماظ الدهنيه (دهون) للطاقه بدال الاحماض الامينيه (كتل صافيه من الدهون منهم العضلات)
4. أفضل ريوق للرشاقه والصحه العامه يحتوي على نسبة بروتين عاليه (١٥-٣٠ للنساء و ٢٠-٥٠ للرجال)
ريوق غني بالكاربوهايدرات يعفس يومكم كله و يزيد اليوع لي الليل
----
مصادر بروتين ريوقيه
- بيض
- تيركي
- روست بيف
- روب يوناني
- نخي (حمص)
- فول
- جبن قريش (كوتج)
- كورن فلكس معتمد مع حليب قليل الدسم
- كويست بار @questbar_kwt اذا مستعيلين
- خلطة شوفان من @Oomf_gcc
- منتجات @healthysnack ما عليها كلام
-----
وجبات ريوقيه فاشله
- توست و جبن قلاص او لبنه
- كورن فلكس متروس سكر
- فطاير و معجنات
- عصير
- أي ريوق ثقيل بالكاربوهايدرات وقليل الفايده