شلون أتعامل مع قولوني الفلم؟
اول شي الاحباط : لا يوجد حل مطلق لمشاكل القولون
والحل اللي راح نتكلم عنه الحين فردي
...
الجسم ماراح يستفيد من اكلكم اذا القولون تعبان
واللي يعانون من مشاكل بالقولون : ديروا بالكم لان وضعكم مو غشمره
...
شلون تديرون بالكم ؟
- ابتعدوا عن الأصناف اللي تهيج القولون نفس بعض منتجات القمح والغلوتين ، الحليب وبعض منتجات الألبان ، البقوليات وبعض الخضروات النيه [اكلوا خضروات مطبوخه] ، بعض البهارات نفس الفلفل الأسود والفلفل بشكل عام والصلصات الحارة
- بالاشارة الى رقم واحد : جربوا ، اللي يمشي معاكم احتمال كبير ما يمشي مع غيركم
- هدوا أعصابكم خاصة اذا فيكم قولون عصبي
- كثروا ماي ، واللي يعاني من امساك يكثر الياف بالاضافه الى كثرة الماي ، واللي يعاني من إسهال يبتعد عن أصناف غنيه بالألياف
- ابتعدوا عن الوجبات السريعه والأصناف المقليه
- ركزوا على الأصناف الطبيعيه الي ما فيها وايد مكونات
- انا مو ضد محليات الرجيم بس في احتمال كبير تهيج القولون
- المشروبات الغازيه [العاديه والدايت] احتمال تهيج القولون
- شربوا هالخلطه : زنجبيل ، كمون وليمون مع بعض ١-٣ مرات باليوم قيل الاكل
- جربوا عجوة المدينه مع نص لتر ماي الصبح على الريج لان واااااااااايد نفعت معاي الحمدلله
- ضيفوا خل ابيض او خل التفاح بأكلكم