تعانون من عادات عيالكم الغذائية السيئة؟
نسبة السمنة والأمراض المتعلقة بالسمنة زايدة وايد عند الأطفال
ومو شي نادر نشوف أطفال يعانون من السكر والضغط والكوليسترول … وأغلب الحالات ليست وراثية
شلون وصلنا إلى عالمرحلة من الإهمال؟
نرجع ونشوف الأجيال اللي قبل جيل أطفالنا
ليش؟
لان الاطفال ياخذون سلوكيات الأجيال اللي قبلهم … يتعلمون سلوكيات جيل من الاساس يعاني من مشكلة أو مشاكل متعلقة بالسمنة
تعانون من عادات عيالكم الغذائية السيئة؟
المعاناة تبتدي بعد ٧ سنوات… ٧ سنوات من ممارسة السلوكيات الغذائية السيئة بالإاضفة إلى قلة النشاط والكسل
٧ سنوات عبارة عن أساس التربية… أساس خربوطة لي درجة أغلب الآباء مو قادرين يغيرون سلوكيات عيالهم… حتى التهديد ما قام ينفع
آنا ما ألوم عيالكم… ليش؟
أعلم وأربي إنسان على سلوك معين وبعد ٧ سنوات أحاسبة على تربيتي الفاشله؟ نستعبط؟؟
واللي ما علم عياله؟
لا تعلم… بشوفون عاداتك وطبايعك ويقلدونك وبعد ٧ سنوات بتحاسبهم لانك ما ربيتهم عدل ولا علمتهم… نستعبط؟
ما علمت ولا ربيت لانك مضغوط أو مشغول أو ما عندك فلوس أو اللي اهو… انزين ليش تييب عيال؟
عيالكم مو كتاكيت ملونة شريتوهم بنص دينار عشان تهملونهم بعد اسبوع!
عيالكم بشر يا بشر!