تدرون الضغوطات النفسية والعصبية تسبب احتباس سوائل في الجسم؟
وتدرون الجسم يقدر يفقد دهون ويحافظ على هالإحتباس؟
و تدرون الاحتباس ما يروح إلا لما تحلون مشكلة الضغط النفسي أو العصبي؟
ليش احتباس السوائل مشكلة؟
لأنك راح تفقد دهون بس نزول الوزن ثابت أو بطيء
الثبات أو البطئ وهمي ولا يمثل نزولك الحقيقي
مثال:
بالميزان نازلة كيلو، ولكن خسارة الدهون ٣ كيلو واحتباس السوائل ٢ كيلو
وهذا يسمى بالكويتي ”ويع“
احتباس السوائل أول مرحلة بعد الضغوطات العصبية والنفسية وبهالمرحلة تقدرون تفقدون دهون
وبالمرحلة الثانية عملية فقدان الدهون توقف والاحتباس يزيد
يعني كل شي فيك يثبت أو يسمن
والحل؟
حلوا المشكلة اللي قاعدة تسبب هذه الضغوطات
وبس
الحل مو سحر ولا يحتاج حبة سحرية
الحل stress management
تعلموا شلون تتعاملون مع هذه الضغوطات وللأسف هذا مو مجالي
تدرون ان اهدافكم الفتنسية تسبب ضغوطات نفسية وعصبية؟
وتدرون لما تضغطون على أجسامكم لما تثبت الضغوطات العصبية والنفسية تزيد مما يؤدي إلى زيادة الوزن أو الثبات؟
بالإضافة:
- هرمون الذكورة عند الرجال يطيح على ويهة حييييل
- الدورة الشهرية عند الإناث توقف أو تعتفس
- الأداء الرياضي يدخل بالطوفة / بالحيطة
- هرمون الجوع يزيد وايد
- وهرمون الشبع ينعدم
- معدل الأيض الأساسي (قدرة الجسم على إستهلاك السعرات الحرارية للطاقة) يقل شوية أو وايد على حسب كمية الأكل في النظام
- ويقل وايد إذا سعراتك قليلة
ولما يقل وايد، الجوع يختفي وهذه أكبر مصيبة، خاصة إذا فيه نزول بعد اختفاء الجوع، معناته الجسم قاعد يستسلم لأنه مو قادر يتحمل الضغط
وشيصير لما الضغط يوصل القمة؟
بهالتسلسل:
-
معدل الأيض الأساسي بالحضيض
-
هرمون الجوع يشرفنا على البوفيه
-
هرمون الشبع ياخذله إجازه
-
تاكل هوا وتسمن