أسئلة وأجوبة رمضانية
العضلات تطيح برمضان ؟ شلون نحافظ عليها ؟
ماراح تفقدون عضلات اذا نظامكم الغذائي يشمل الكمية اللي تحتاجونها عشان تزيدون او تحافظون عليها
الجسم ما يستهلك الاحماض الامينيه بالعضلات للطاقه الا بعد ٧٢ ساعه بدون اكل
اهم شي تاكلون نفس كمية الاكل اللي تاكلونها الحين
الوضع بكون طفحه بس هذا المطلوب
نقدر نلعب حديد واحنا صيام ؟
اكيد تقدرون بس بتخسرون كتل عضلية ، بالاضافه الى اصابات وتقلصات حادة بالعضلات
اللي يبي يحافظ على عضلاته او يبني ضروري يتجنب تمارين الاثقال قبل الفطور
متى العب رياضه بعد الاكل ؟
على الاقال ساعتين بعد وجبه دسه [مشي او مقاومه]
افضل رياضه قبل الفطور لفقدان الدهون ؟
الالعاب الهوائيه نفس المشي ، الزومبا ، كلاسات السويدي [Aerobics] ، الهروله ، ألعاب قتاليه [MMA] والسباحه
تناول الكاربوهايدرات على السحور تسمن ؟
ان شاء الله لا اذا تاكلون احتياجكم بس اللي ماشي عمياني بينضر
العطش اثناء فترة الصيام ؟
شي لا بد منه
شربوا نص كوب ماي لقاح مع كوب ماي قبل الامساك
اتباع نظام اتكنز [قليل الكاربوهايدرات] برمضان مضر ؟
الصيام + كاربوهايدرات قليلة = هبوط حاد او انخفاض نسبة السكر في الدم
اللي متعود ماراح ينضر بس اللي ناوي يسويها برمضان الله يعينه
السعرات الحراريه برمضان نفسها والا نقللها ؟
نفسها الا اذا ما تقدرون تاكلون الكمية اللي تبونها خلال ٨-٩ ساعات
شنو الفطور اللي يشبع وما يدوخ عشان نصلي على راحتنا ؟
كاس لبن قليل الدسم + ٧ تمرات + شوربة خضار او عدس
اكلوا وجبتكم الثقيلة بعد صلاة التراويح
أفضل توزيعة للوجبات للاعب رفع اثقال ؟
اذا ٤ وجبات : فطور معتدل ، بروتين وفاكهه بعد التمرين ، عشاء معتدل ساعه بعد البروتين وسحور ثقيل ساعتين بعد العشاء
اذا ٣ وجبات : فطور معتدل ، وجبه دسمه بعد التمرين ، سحور معتدل
اذا وجبتين : فطور ثقيل وسحور خفيف [التمرين بالنص]
و أفضل توزيعة للانسان الطبيعي ؟
فطور خفيف ، وجبة معتدله بعد التراويح مع حلو ، و سحور خفيف
شنو أفضل سحور للاعب رفع أثقال ؟
مصدر بروتين بطيئ الافراز [روب ، جبن قريش او كوتچ چيز ، لحم احمر] ، كاربوهايدرات بطيئة الافراز [كينوا ، رز أسمر ، فريكه ، برغل ، بطاطا حلوه ، حمص او نخي] ، دهون صحيه [أفوكادو ، زيت الزيتون ، مكسرات] و ألياف [فواكه ، خضروات]
شلون نقدر نقلل كمية الاكل على الفطور بدون لا نهاجم السفره ؟
كثرة السوائل قبل الاكل : نص لتر ماي + ربع لتر لبن قليل الدسم + شوربة خضرة او عدس
واللي يعافيكم قبل لا تسألوني اقروا الاسئله عشان ما نلعب لعبة طق راسك بالطوفه وشكرا