كيفية تناول الحلو برمضان

الحلو برمضان شر لا بد منه

تبي تقطعه ؟ عليك بالعافيه

تبي تاكله ؟ هم عليك بالعافيه

اذا ما تفطرتوا عدل راح تدمنون على الحلو نفس ادمان مدمن المخدرات ، فحاولوا تشبعون على الفطور قبل تناول الحلو

وتذكروا ان الحلو للمزاج وليس لكبت الشهيه

يعني لا تاكلون الحلو على جوع لان ما يشبع ، واذا ما شبعتوا منه راح تاكلون زياده

متى تاكلونه ؟ اي وقت "مشتهين" حلو بعد الفطور

لا تاكلونه اذا مغثوثين من الفطور

الخطه ؟

• لا تضحون بالفطور على شان الحلو

نقطه جدا مهمه : شربوا على الاقل نص لتر ماي مباشرة بعد الفطور أو قبل تناول الحلو

• اذا تفطرتوا عدل ومشتهين حلو نطروا ١٥-٣٠ دقيقة وشربوا على الاقل نص لتر ماي وبعدين اكلوا : باديه او طاسه متوسطه من اي حلو / حلى جدامكم او شريحة كيكه او كنافه كبر كف اليد او ٤ لقيمات او ٣ صب القفشة او ٣ قطايف (راح انزل موضوع على سعرات الحلويات الرمضانية الليله)

• أثناء تناول الحلو / حلى كثروا ماي عشان تترسون المعده ولتعزيز الشعور بالشبع

• طرق لتجنب أضرار الحلو : شاي اسود (احمر) مع قرفه/دارسين او قهوة عربيه او قهوة سوده مع قرفه/دارسين

• مو مشتهين شي مو صحي ؟ اكلوا حلو صحي من ضمن احتياجكم من السعرات او ٤٠٠ سعره حراريه بالكثير

الخلاصة : بالنهاية الكثرة تضر

احترموا اجسامكم واكلوا الكمية الي ترضيكم بدون لا تضركم