النظام الكيتوني
توزيعة المغذيات في النظم الكيتوني كالتالي:
٧٠-٨٠٪ من الدهون
١٥-٢٠٪ من البروتينات
٥٪ أو أقل من الكربوهيدرات
+ كمية مفتوحة من الخضروات
-
توزيعة الوجبات
على حسب نمط حياتكم بس أنصح بوجبتين على الأقل، وعلى حسب الدراسات ماله داعي أكثر من ٦
---
الأساسيات
١. كمية الدهون أعلى من كمية البروتين في كل الوجبات والسناكات (٧٠٪-٨٠٪ دهون + ٢٠٪-٣٠٪ بروتين)
٢. لا تخافون من الصوديوم
٣. ضروري تاخذون مكمل B-Complex
٤. على الأقل ٤ ساعات بين كل شي تاكلونه لتعزيز انتاج الكيتون (استخدام الدهون المخزونة للطاقة)
٥. لا تاكلون وجبة فيها بس بروتين صافي أو بس كارب (وتقدرون تاكلون وجبه فيها بس دهون)
---
فيه يوم مفتوح؟
يفضل نهائياً لا أو وجبة مع حلو كل ١٤ يوم
-
متى الجسم يتعود على هذا النظام؟
مو أقل من اسبوع ومو أكثر من اسبوعين
-
متى أشوف النتايج؟
مو أقل من اسبوعين
-
لازم ألتزم بحسبة سعرات وحسبة المغذيات؟
بالبداية لا. لكن لما جسمك يعاند، اي
-
شلون أثبت وزني بعد هالنظام عشان ما اتمصخر وأسمن؟
تزيد نسبة الكربوهيدرات في نظامك وتقلل نسبة الدهون
والطريقة بالضبط هي:
أول اسبوعين
الكارب ١غ لكل كيلو من وزنك
البروتين: ١،٥غ لكل كيلو من وزنك
الدهون: ٠.٥غ لكل كيلو من وزنك
ثاني اسبوعين:
الكارب: ١،٥غ لكل كيلو من وزنك
البروتين: ٢غ لكل كيلو من وزنك
الدهون: ٠،٥غ لكل كيلو من وزنك
بعد تكملة اول شي:
الكارب ٢غ لكل كيلو من وزنك
البروتين: ٢غ لكل كيلو من وزنك
الدهون ١غ لكل كيلو من وزنك
-