نظام رجيم بدون رجيم للمبتدئين
هالنظام يركز على عدم الحرمان، الاستمرارية والتطور التدريجي لان ماراح نبتعد عن نمط حياتكم الطبيعية وايد
كل مرحلة كاتبها تحت مدتها على الاقل اسبوع وشهر بالكثير
متى تطبقون المراحل التاليه ؟ لما الوزن يثبت [قيسوا الصبح قبل الفطور مره وحده بالاسبوع واعتمدوا على ميزان واحد]
المراحل :
-
شيلوا المشروبات التي تحتوي على سكريات نفس المشروبات الغازيه [الدايت مافيها شي] والعصائر [حتى الطبيعيه تحتوي على سكر] والقهوة [3in1 ، وايت جوكلت موكا والخ]سكر الرجيم عادي
-
خففوا خرابيطكم بين الوجبات
بدال لا تاكلون ٤ حبات كاكاو باليوم اكلوا حبتين
شيلوا ٥٠٪ من اللي متعودين تاكلونه وبدلوهم بفواكه
-
شيلوا الخرابيط كلها بين الوجبات الرئيسية وبدلوهم بفواكه
اكلوا أي فاكهه تبونها وبكميات تشبعكم
اذا يوم من الايام اشتهيتوا تاكلون شي حلو ضروري تاكلونه
ضروري ؟ اذا قاومتوا الشهوه لفترة طويلة احتمال تنقلب ضدكم
-
ركزوا على الفطور والغداء اكثر من العشاء
اللي يعميها بالاكل مرتين باليوم افضل من اللي يعميها ٣ مرات
تفطروا وتغدوا عدل بس ضروري تاكلون شي خفيف على العشاء او تلغونه [العشا] مره وحده وتبدلونه بفواكه اذا شوي يواعه
-
شربوا شاي أخضر او أبيض مرتين باليوم
ساعه بعد الفطور و ساعه بعد الغداء
مرحلة كاملة لاضافة الشاي الاخضر والابيض ؟ لا تستهينون بفعاليتهم للتخسيس
- مارسوا أي لعبه هوائية يوم وترك او ٤ أيام بالاسبوع
المده ؟ نص ساعه تكفي
اللي ماله خلق يطبق هالمرحله الحين يقدر يأجلها ويطبق المرحلة السابعة
-
خففوا المقبلات او الاصناف الصغيرة على الوجبات الرئيسية
بطاط ، معجنات ، مقالي والخ
اكلوا البرقر بس بدون الفرنچ فرايز [بطاط مقلي]
- ثبتوا فطوركم المفتوح والعشاء الخفيف ولكن على الغداء ركزوا على تناول كمية مفتوحة من مصادر غنية بالبروتين [لحم ، دجاج ، مأكولات بحريه ، بيض ، ديك رومي ، منتجات الالبان ، بقوليات] وقطعوا نص الكمية من مصادر الكاربوهايدرات [خبز ، رز ، بطاط ، باستا او اي نوع معكرونه ، برغل ، فريكة ، شوفان ، كورن فلكس]
- طبقوا المرحلة الثامنة على الفطور
- الفطور والغداء نوعا ما صحيين والمفروض وجباتكم الخفيفة تحتوي على كمية مفتوحة من الفواكه والعشاء خفيف
والحل ؟ يوم مفتوح مرة بالاسبوع ؟ لا
متى ما حسيتوا بالزهقه اكلوا فطوركم الصحي وغداء او عشاء مفتوح ولكن معتدل [يعني مو هجوم او بشراهه]
لا تاكلون شي على الاقل ١٢ ساعه عقب هذه الوجبه ولكن كثروا ماي
الوجبه المعتدلة بتكررونها كل ٤-٥ أيام على حسب تكرار شعور الزهقه
Good luck 👍🏻 keep going
Thank you so much for enlightening us on so many aspects of lifestyle, I did a gastric sleeve surgery 3 years ago and I became obsessed not to gain weight again, although I’m still not in the right weight but I’m struggling with losing the remaining kilos coz I got pregnant and gained a stubborn 7 kilos that won’t go away, so I will try this method and hopefully I will loose that weight, I have so much faith in your ways! Thank you so much for being who you are.
كمية سعاده والواحد يقرا .. هذا نظام حياه والغلط اننا ناكل زي المجانين .. انا اشتركت معك ب٣ انظمه النباتي والصيام ولو كارب .. نزلت ٥ كيلو دهون مع اني بالميزان ثابته .. بعد انظمتك بفتره الشهيه تتربى وصرت اعرف وشو الي يناسب وشو الي حرام يدخل جسمي.. وباليوم المفتوح اكلي طبيعي بس وقت وحش الدوره يصير مافي سيطره ع للاكل الصحي