المزاج
يا عرب ، نحن مجتمع نعشق المزاج
نحن مجتمع نحتاج مزاج للمزاج
اذا ما قعدنا و شربنا قهوتنا مع كاكاونا و صورنا كأن ما سوينا شي
تخيلوا ماشين على نظام زي الفل لمدة اسبوع و فجأه مزاجكم يطق فوق تحت
شتسوون ؟ شترقعون ؟ خلاص ؟ نهاية العالم ؟ نتريق كنتاكي ؟ شهالمزاج ؟ منو يتريق كنتاكي ؟
الجواب :
مادري منو يتريق كنتاكي بس لازم تمشون على مزاجكم والا نهاية العالم
شلون ؟
ضروري تعرفون ان هذا شي طبيعي و اذا مشيتوا على مزاجكم بطريقه محترمه [صحيه] ماكو الا العافيه
نحن مجتمع نحتاج مزاج للمزاج
اذا ما قعدنا و شربنا قهوتنا مع كاكاونا و صورنا كأن ما سوينا شي
تخيلوا ماشين على نظام زي الفل لمدة اسبوع و فجأه مزاجكم يطق فوق تحت
شتسوون ؟ شترقعون ؟ خلاص ؟ نهاية العالم ؟ نتريق كنتاكي ؟ شهالمزاج ؟ منو يتريق كنتاكي ؟
الجواب :
مادري منو يتريق كنتاكي بس لازم تمشون على مزاجكم والا نهاية العالم
شلون ؟
ضروري تعرفون ان هذا شي طبيعي و اذا مشيتوا على مزاجكم بطريقه محترمه [صحيه] ماكو الا العافيه
الحالات المزاجيه :
1. مالكم خلق تاكلون
اكبر غلطه تاكون اذا مو يواعه والرسول عليه الصلاة والسلام نهى عن هالشي
هذا مزاج زين ... عفيه عليكم
2. تبون اختيار [صنف] جديد
البيض على الريوق طلع من خشومكم و تبون شي سريع و حالي من صباح الله خير نفس الWhite Chocolate Mocha ماراح يضركم اذا باجي يومكم صحي
حاولوا تفكرون بإختيار أفضل غير الوجبه الي بالنظام
واذا تبون الموكا عليكم بالعافيه عشان تصبرون مزاجكم الي ما يدري وين الله قاطه
هذا المزاج عوي بس يمشي حاله
3. توكم مبلشين النظام و تبون تاخذون بريك
يخرب بيت هالمزاج بس لازم تراعونه
اكلوا الي تبونه بإعتدال لما المزاج يتعدل
يعني نص صمونه من ستاربكس مع لاتيه [حليب خالي الدسم] ، شوية كاكاو كوجبه خفيفه بالدوام ، شوية رز مع الغدا ، لاتيه ثاني مع شوية كاكاو المغربيه و سكروا حلوجكم بالليل
هذا المزاج دلع ... انتوا طلعوا بره
4. مالكم خلق تروحون النادي لان زحمه بس حدكم عيارين لان مو زحمه
المزاج يخليكم تألفون قصص وهميه عشان تطلعون اعذار
لا تروحون النادي بس لا تقعدون تجابلون الطوفه
الكسل مصيبه و بيسحب معاكم سحبه مو طبيعيه
حاولوا تطلعون تشمون هوا بس لا تروحون مطاعم ولا يمعات فيها اكل
هذا المزاج ... مادري نسيت ... بس هم طلعوا بره
5. غيروا نظامكم اذا المزاج طول
راجعوا الاخصائي او كشتوا فيه و روحوا سوق او سوبرماركت فيه منتجات صحيه عشان تشترون بدائل على مزاجكم
6. تابوعني و راجعوا مواضيعي
خوش دعايه صح ؟
جد جد والله من صجي ترا تكلمت عن تقريبا كل شي للالتزام بنمط حياة صحي
ترا انا اكبر مزاجي
الفرق بيني و بينكم اني عرفت حق مزاجي و تعلمت شلون اتعامل معاه عشان اصيده قبل لا يصيدني
الله يقويك
جد المزاج رح يموتني
صرت فجاه بدون سابق انذار اتذايق وابكي
بكون عم اكل واتفرج ع فيلم تغص اللقمه وابكي بدون سبب، اسال حالي ليه
بستغفر وبمسح الدمعه وبكمل
ورح ضل تابعك ورح ظل اسمع حكيك حتى لو ما طبقت ومصيري طبق واكون اقوى ورح انجح باذن الله
التزمت قبل بحكيك وكنت انقص بسرح ارجع اقوى واقوى
يمكن ما تقرا هالشي بس حبيت فضفض
انت جد مميز وحباب الله يحفظك ويقويك ويرزقك الخير دنيا واخره
ويرزقك المليون بعد المليون
🌹🌹🌹