1
الكارب ما يسمن

إلا إذا اكلت كمية ما تستخدمها للطاقة.

لا تنسون بأن الكارب أداة وليست أساسية لقيد الحياة - يعني استخدمها بعناية 

2
الدهون ما تسمن

إلا إذا أكلتها وسعراتك الحرارية أكثر من اللي جسمك يحتاجة - الدهون الصحية أساسية لقيد الحياة

قلل بس لا تحرم - من غيرها صحتك تنهار

3
الملح والصوديوم أساسيين لقيد الحياة

إلا إذا كنت تواجه مشاكل بالضغط

ويفضل إنك تبتعد عن المنتجات الغذائية الصناعية الغنية بالصوديوم بدال تخفيف كمية الملح في أكلك

أكلك ماله طعم؟ حط ملح!

مالح؟ قلل الملح

4
السكر ما يضرك

إذا كان من ضمن حصة الكارب ومن ضمن احتياجك اليومي

انصح بنمط حياة ٨٠٪ صحي و ٢٠٪ غير صحي

المشكلة إن الناس عاكسة الحسبة: ٨٠٪ غير صحي و ٢٠٪ صحي وهذا الي مدمركم

5
صوموا تصحوا (عن السعرات) 

-- على الأقل ١٢ ساعة يوميا بين آخر شي أكلته البارحة وأول شي بتاكله اليوم

تبي تصوم أكثر؟ عليك بالعافية بس ١٢ ساعة كافية للمحافظة على صحتك

6
أفضل وقت رياضة هو الوقت اللي يناسب نمط حياتك وجسمك

تبي تتمرن الصبح لانه تحس أدائك جبار؟ توكل على الله

تبي تتمرن بعد تناول وجبة كبيرة لانه أدائك خيال؟ ممتاز!

الله خلق وفرق يا حلوين!  

7
ديروا بالكم على الجهاز الهضمي!

لانه الأساس من ناحية المحافظة على صحتكم والمزاج والنوم وخسارة الدهون وبناء العضلات وترميم أعضاء الجسم - خففوآ من الأصناف الغذائية التي تضايق الجهاز الهضمي - لا توجد أصناف محددة لان كل واحد فينا غير عن الثاني 

8
على طاري الجهاز الهضمي...

لما تطبخون أكلكم عندكم ساعتين بعد الطبخ عشان تاكلونه أو خزنوه بالثلاجة واكلوه بارد أو حار - لا تاكلون اكل صارله أكثر من ساعتين بره السخان او الثلاجة لانه عباره عن حفلة جراثيم وبكتيريا تهدم الجهاز الهضمي

9
المكملات الغذائية ليست أساسية

إلا إذا كان عندكم مشاكل في الجهاز الهضمي أو مشاكل في امتصاص المغذيات من الأكل أو كمية اكلكم قليلة لانه حياتكم كلها رجيم

10
بسكم رجيم!

مشكلة أغلب الناس يا ابيض يا اسود - يا اضعف وايد أو أزيد كل الوزن اللي خسرته

٢٠١٩ سنة التوازن وراحة من الرجيم

استقر على وزن يخليك تاكل الي تحبه وبكمية مرضية من غير سمنة

ليش؟ عشان صحة جسدك ونفسيتك 

11
بسكم كسل!

ما تبي نادي؟ عادي

ما تبي رياضة؟ عادي

بس خلك نشيط وراقب نشاطك كثر ما تراقب كل شي بحياتك - ألفين خطوة فوق خطواتك الإعتيادية - اذا تبي اكثر زيد الف خطواتك فقط لما توصل الى عدد خطوات ما تحسسك انك مجبور